منتديات العقرب الاسود

Black ScorPion
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 قصه تموت من الضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فتى الاحزان
نائب المدير
avatar

عدد الرسائل : 20
تاريخ التسجيل : 24/12/2007

مُساهمةموضوع: قصه تموت من الضحك   الإثنين ديسمبر 24, 2007 7:19 pm

هلووووو حبايبي انا اليوم جبت لكم قصه قصيره اشوي غربيه بس تموووت من الضحك.

تعرفون تماسيحنا الكرام كيف يتغير جلد الواحد لما يشوف بنت من خارج البلد

ههههههههههههههههه المهم ما ابي اطول عليكم

اليوم صاحب قصتنا واد انما ايه يخبل خخخخخخخخخخ

الولد اسمه (صنيتان) اختراع جديد هههههههههههههه

اقول لكم اترككم معاه هو يتكلم عن نفسه

.................................................. ................
مره كنت بالسوق

وشفت وحده ماشاء الله عليها ( عيني عليها بارده )

تسدح الطير من البحر

وتذبح البعير بالسماء

وصدج لما قال راشد الماجد

(( الله يازين الي دخلت .. غطت على كل الي بالسوق .. طلت علينا ونورت .. وبجت كل السوق ))

اهي اهي اهي

انا شفتها نسيت رفيجي

صج نسيت ما كان وياي أحد

مشيت وراها شوي

قلت لها مساااااء الخير (( طبعا بكل رقه وأحساس وحنان وعطف وخشونه (( شكو الخشونه .. )) المهم .. ))

قالت لي أهليييين حبيبولا ألبي

قالت هيك بالحرف الواحد

أثاريها طلعت لبنانيه (( انا قلت بقلبي والله أني دريت ))
قلت لها تصدقين .؟

قالت شو حبيبي .؟

قلت لها أنا حبيتج من أول فنيله شريتها من المحل ههههههههههههههههه

قالت صحيح ..!

قلت لها وقسم وقسم أني ماجذب عليج

قالت ولشوو تحلف مصدقتك ولي

قلت بقلبي (( الحمدلله عدت على خير ))

قلت لها وين تبين تروحين .؟

قالت بدي أروح عالبيت

قلت لها ليش .. تو الناس .؟

قالت البابا والماما ينتظروني بدنا نتعشى

(( الدعوووه بها عشااااااء أأأأخخخخخ يالعشاااء ))

قلت ممكن أقط وجهي معاج .؟

قالت ولو ممكن

رحت قطيت وجهي معها وركبت بسيارتها

ونسيت سيارتي

(( سوووووري يالربع نسيت انا جاي مع راعي وانيت .. ))

ولما دخلنا عالبيت على قولتها

فز أبوها من مكانها

(( انا مسكت قلبي قلت بس رحنا فيها الحين بيمسكني وبيمدني لين يخيب ثناي ))

أثاريه فز من مكانه يرحب فيني

(( العن أبووو التطور ياناس .. مع بنته ويرحب فيني .. ))

قلت له أهليييين عموووو

قالي كيفك خيوه

قلت له منحنح

قالي شووو .؟

(( عاد تذكرت كلمة منيح لأني متابع مسلسل سوري .. ))

قلت له منيح الله يسلمك ويصلحك

قالي وكيف البابا

قلت له أبد يسلم عليك أنت وهالخشه

قالي شووو الخشه .؟

قلت له نوع من أنواع الورود

قالي مرسي كتير

قلت له عيب عليك

قالي وشو هو العيب .. !

قلت وشو مرسي

قالي يعني مشكور

(( والله على بالي يسبني ياجماعة .. أثاريه يشكرني ))

(( عاد انا رقعت السالفة .. ))

قلت له سوري ماكنت بقول عيب كان بدي أقول عيش عليك

(( والله مادري وقتها بشنو أصرفه ))

قالي بس ياحبيبي أنا ماتعشيت

قلت له يمكن توهم لي

قالي ماعلينا

قالي من أمتى وانتا بتعرف ليلاس .؟

قلت له الله يسلمك من مبطي

قالي شووو مبطي .؟

(( نسيت أنه لبناني ))

قلت له مبطي يعني سنة بالياباني

(( مادري وش أقول له ))هههههههه

قالي منييييح بتعرف ياباني

قلت له والله اي ياباني أعرف منيح

(( ضيعت لساني مادري وش أقول يومها .. ))

قالي شو فيك حبيبي .؟

قلت له لا ماكو شي بس أحس بعوار بدشداشتي

قال وشو فيها دشداشتك .؟

(( ول وربي هذا أبوها نشبه لو أنه غاسل شراعي كان أحسن لي من هالأسئلة ))

قلت له تحكني

قالي أشلحها

قلت له لا ماله داعي

قالي ولا شووو البيت بيتك

(( هو قالي جذي .. أتوقع انه كره اليوم الي قالي هالكلمة .. ))

قلت له عيل قوم ضبط لي التلفزيون على ماجيك

وياحليله مطيع راح ..

جتني أمها

قالت لك منور ياعمري

(( يالربع العائلة كلها رايحة فيها .. ))

(( البنت حبيب ألبي .. والأب حبيبي .. والأم ياعمري ))

(( الله يرزقكم بمثل مارزقني .. ))هع هع هع هع

المهم ماطولها عليكم

قعدت ذيك الليلة مع ليلاس أحلى قعده

والله أنها أبرك من مقابل البعارين والغنم
والوجيه الشينه

المهم
بعد اشوي راح اكمل لكم

(( ملالالالالالالاحظة .. ))

ليس كل مايقال حقيقة <=--- العن أمممم التصريفه ..
يالله نكمل لكم شنو صار وياي مع ليلاس

قعدنا ذاك اليوم

بالبيت

ودقت على المطعم وطلبت بيتزا بالخضره وبيتزا بالمشروم
وشيبس حلزوني
ودقت على مطعم ثاني وطلبت عصير كوكتيل وصمدي وفنكوش

(( والله اني يومها استانست لدرجة ماحد يتصورها ))

(( ياجماعة كل الأكل عشاني .. !! ))

المهم وصل الأكل وهي تسولف وانا أكل وهي تسولف وانا طايح له أكل

والله ياجماعة جد جد حبيت هالبنت ههههههههههههههههههههههههههه

تطلب لي من المطعم

وشغل عدل

مو مثل الي عندنا

ماتعرف الي رز ولحم

أعوذ بالله

والله لو نستمر بعد كم سنه على الرز واللحم

باجر ننغلث ونعض بعضنا بعض

شف الرقه بيتزا وكوكتيل

أأأأخخخخخخخخخخخخ

يالربع شوي بغيت اطلع عن الموضوع

الحين بناتنا

يدلعون نفسهم ويكشخون ويضبطون المكياج وغيره

واذا شفتها ياساتر

ودك ساعتها تحفر قبرك وتدفن روحك

مره بمجمع مارينا مول

شفت لي وحده

والله العظيم أني كرهت اليوم الي جيت فيه السوق

قلت لها لو سمحتي

قالت لي هلا ومرحبا

(( مو مصدقه أحد كلمها ))

قلت لها ممكن تشيلين وياج طربال مره ثانيه

عشان اذا مريتي من يم عيال صغار تغطين نفسج

حنا مو ناقصين تخرع وبالتالي العيال ماينامون بالليل

قالت لي ياجليل الحيااا

قلت لها جب أنتي جليلة حيااا (هههههههههههه قوي هالولد)

شلون وجهج جذي وطالعه برع البيت

أنتي المفروض تقعدين بالبيت

ولا تورين أحد وجهج أبد

أنتي أفه على المجتمع

أنتي تنكر في المجتمع

(( شكو التنكر .. سوووري نسيت الغنم ماعندها ماي .. المهم ))

البنت طبعا بجت

قلت لها بجوا عليج بخرابه

يمال الطاعون الي مابعده طاعون

فجأة .. !!!

ماتت البنت
طبعا كل الي بالسوق قاموا يضحكون على بالهم أننا نمثل فلم والا مسلسل والا أي شي

انا شفتها جذي حطيت رجلي

وماوقفت الا وانا بتكساس

المهم

ونزلت عند ناس جماعتنا بتكساس

وسلمت على الربع

وغصبوني على العشاء

والله تعشينا وأمرحت عندهم ذيك الليله

وعينت من الله خير

ولما أصبحت

مشيت حق لوس أنجلوس

حق واحد من الربع ساكن هناك

ولما وصلت لوس أنجلوس

يؤيؤيؤيؤيؤؤؤ

صبررروا ياجماااعه انا نسيت اللبنانيه ..

خلوووناااا من لوووس أنجلوووس

وخلووونا نروح للبنانيه ..

المهم

قعدت انا وياها

وسولفنا عن أيام الطفولة

وقالت لي أنها

كانت ساكنه بفلا بالجبل منطقة بلبنان

وعندهم خير

ونعيم

---

قالت وأنت .؟

(( والله يالربع مادري وش أقولها ساكن ببيت شعر وعندي بعير يوم أني صغير .؟ ))

المهم

قلت لها

كنت ساكن بالبيت الأبيض

قالت لي من جد .. !

قلت لها أي كان أبوي رئيس الولايات المتحدة

قالت لي من جد عم بتحكي .!

قلت لها عيل أجذب عليج .؟

قالت لا مش هيك

بس شو أسم البابا .؟

(( والله توهقت اخاف أقولها أسم أبوي وتتركني ))

قلت لها أسم أبوي طوني ..

قالت لي أسموووه منيييح كتير

قلت الله يمنحج بالعافية

(( وش أسوي مادري وش أقولها ))

المهم ماطولها عليكم

ذاك اليوم الصراحه أستانست حيل

عاد هي قامت تقرب يمي

وكل ماقربت انا أبعد عنها

وهي تقرب

وانا أبعد

فجأة لصقت فيني

انا مادري وين أروح

تدرون شصار .. !!!



بس المصيبه





أني قعدت من النوم

وقتها ضاق خلقي

الصراحه كاااان خووووش حلم

بس حسافه قعدت

ماعليه الجايات أكثر من الرايحات

هههههههههههههههههههههههههههههه





تحيااااااااتي
فتى الاحزان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العقرب اللامع

avatar

عدد الرسائل : 11
العمر : 23
الموقع : ليس عندي
تاريخ التسجيل : 18/10/2008

مُساهمةموضوع: رد: قصه تموت من الضحك   السبت أكتوبر 18, 2008 11:09 am

هههههههههههههههههههههههههههههههههههههههههههههههههههههههه
اانا توقعتها صدق
والمهم يسلموووووووووووووووووووووووووووووووووووووووووو على جهودك ياخــــــــــــــــــــــــــــــــــــــي

مع تحيات أخوك العقرب اللامع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AL_wa7sh

avatar

عدد الرسائل : 6
العمر : 24
الموقع : http://sbaia.do-goo.net/
تاريخ التسجيل : 17/10/2008

مُساهمةموضوع: رد: قصه تموت من الضحك   السبت أكتوبر 18, 2008 1:45 pm

خعخعخعخعخعخعخعخع

حلو القصه يعطيك العافيه اخوي

مع تحيات

AL_wa7sh
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sbaia.do-goo.net/profile.forum
 
قصه تموت من الضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العقرب الاسود :: منتدى الثقافة :: منتدى القصص والروايات-
انتقل الى: