منتديات العقرب الاسود

Black ScorPion
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 طفح الكــــــــــــــــــــــيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
almax



عدد الرسائل : 8
العمر : 24
الموقع : الشرقيــــــــــــــــــــة
تاريخ التسجيل : 09/04/2010

مُساهمةموضوع: طفح الكــــــــــــــــــــــيل   الجمعة أبريل 09, 2010 12:51 am



بسم الله الرحمن الرحيم





مساء وصباح الخير على الحلوين

في بداية الموضوع هاذي سالفه حصلت لنا وأحنا في الهافون الي في الدمام يوم الخميس الي فات

المهم ,,,,, كنا جالسين ومبسوطين وسوالف وضحك والي قاعد يلعب بلوت والي قاعد يسولف والي قاعد يطبخ لنا <<< رايحين هاف مون ويطبخون

خخخخخخخخخخخخخخخخ

المهم بعد الحوسه هاذي كلها جات الساعه 1 ونص بالليل وطبعا ماقلت وش صار قبلها..... الدوريات كانت في كل مكان وأحنا نقول وش السالفه وش السالفه مو داريين

المهم

فجأه إلا يجينا واحد منهم ويوقف بجبنا

ونزل

سلم علينا وردينا السلام وشوي سألنا قالنا وين عوايلكم

احنا صرنا نطالع في بعض ومستغربين قلنا وش فيه هاذا مضيييع

قلناله ليه يالأخو المكان عوايل؟؟

وكل واحد فيه الضحكه من المسخره الي صايره

المهم بعدها قال جاتنا شكوه من العوايل الموجوده أنكم مزعجينهم !!!!!

قلناله خير أن شاء الله أحنا قاعدين في حالنا ومو مسوين ولا شي وزي ماأنت شايف قاعدين قعدتنا وسواليف وضحك

لا مشغلين المسجل ولا أحنا نغني ولا مسوين أزعاج بالمره

العسكري سكت وبعدها قال لنا

مو بس كذا لا المكان مكان عوايل!!!!!!

قلناله كيف المكان مكان عوايل خييييير يعني الهاف مون صار عوايل ولا وش السالفه

رد علينا وقال بلا هرج ولا كلام تقومون الحين وبسرعه

قلناله طيب طيب خير أن شاء الله

وبعدها مشى

تشاورنا مع الشباب ولا واحد كان يبغى يقوم ولزمو إلا نكمل الجلسه

بعدها بـ 10 دقايق جانا مره ثانيه وقعد يصارخ من بعيد ويقول يالله يالله طلعو أثباتاتكم

وكرر هالكلمه يمكن 10 مرات

راح واحد من الشباب له وقعد يتفاهم معاه ويتكلم

المهم مشى العسكري وجانا خوينا وقال خلاص أمشو ياشباب مالها داعي يسوي معنا شي ولا شي

قلناه خييير يسوي شي وليه أحنا مسوين شي غلط ولا وشو احنا قاعدين حالنا حال أي واحد هنا

بعدها أتفقو الشباب أنهم يكملون السهره في مكان ثاني غير الهاف مون

قمنا وشلنا أغراضنا وكل شي وخلاص كل واحد شغل السياره وقاعدين نسلم على بعض للي ماراح يجي معنا ويكمل السهره

شوي إلا جا العسكري مره ثالثه

وقعد يقول ويصرخ بأعلى صوته

أنتو تعاندوني تعاندوني!!!!!!

وجا لعندنا وقعد يصارخ أثباتاتكم أثباتاتكم

حتى أنه جا لعندي وفتح الباب حق السياره وقعد يتكلم ويقول أنزل أنزل وطلع أثباتك

نقوله يابن الحلال قلت الهافمون عوايل وقلنا طيب خلاص وهاذا أحنا ماشييين

بس الحين تجي وتقول لنا أثباتاتكم وتسوي لنا مشاكل وأحنا ماشييين خلاص لييييه يعني خيييير

الزبده يمين يسار وصراخ من هنا وصراخ من هناك

شوي واحد من الشباب أنفجر عليه وأنقهر وقام يرمي عليه كلام

طبعا ماأقدر أقول الكلام لأن في كلام يودي في ستين داهيه<<<< قااااااامط

خخخخخخخخخخخخخ

المهم تطابقو خويي والعسكري وشوي وبيتهاوشون

نهدي فيهم يابن الحلال صل على النبي مايصير وماأدري وشو

شوي إلا كلبش خوينا وجره جر للدوريه وخذ أثباتاتنا وخلنا نلحقه للقسم

ماأبغى أطول في السالفه

في الأخير أنلطعنا من الساعه 2 تقريبا إلى الساعه 5 ونص في القسم كله بسبب هالموضوع


و في الاخير رجعنااااا للحسا مكسورين الخاطر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com
 
طفح الكــــــــــــــــــــــيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العقرب الاسود :: منتدى الثقافة :: منتدى القصص والروايات-
انتقل الى: